ЯҢАЛЫКЛАР
Бу чарага туган илебезнең төрле почмакларында яшәүче авылдашлар җыйналды, шул исәптән Пермь шәһәреннән дә кайттылар.
Бу көннәрдә шәһәребезнең Геройлар аллеясында Җиңү бәйрәменә әзерлек кысаларында зур күләмле эшләр башкарыла.
Быел Татарстанда Президентлыкка һәм җирле үзидарә органнарына сайлаулар уздырылачак. “Бердәм Россия“ партиясенең төбәк бүлеге Сәяси советы ТР Президенты вазыйфасына кандидат тәкъдим итү өчен праймериз үткәрүнең яңа форматын билгеләде: таяныч киң җәмәгатьчелеккә ясалачак. Бу хакта “Татар-информ“ МАда узган матбугат киңәшмәсендә “Бердәм Россия” БСП ТТБ Сәяси совет Секретаре урынбасары Римма Ратникова хәбәр итте.
Соңгы берничә сайлаулар вакытында “Бердәм Россия” үз партиясе эчендә, кандидатлыкка кандидатларны ачыклау максатыннан, сайлаулар уздыра башлады. Шуны да искәртеп үтәргә кирәк: “Бердәм Россия” — праймериз уздыра торган бердәнбер сәяси партия булып санала. БСП ТТБ Сәяси совет Секретаре урынбасары Римма Ратникова сүзләренчә, бу кандидатлыкка кандидатларны барлау, яңа исемнәр ачу һәм иң көчлеләрне билгеләүне күздә тотып уздырыла торган чара.
Праймериз Татарстанның 38 шәһәр һәм 872 авыл җирлекләрендә, 2 шәһәр округы — Казанда һәм Яр Чаллыда үткәреләчәк. Аның вакытында 38,5 мең сайлап алучы һәм 12 мең кандидатлыкка кандидат катнашыр дип көтелә, барлыгы 900 дән артык сайлау мәйданчыгы эшләячәк.
ТР Президенты вазыйфасына праймериз уздыруның яңа форматын “Президент белән бергә“ (“Вместе с Президентом”) иҗтимагый оешмасының координацион советы тәкъдим иткән. Ул 2015 елның 13 апрелендә оешты һәм аның составына 40 тан артык оешма керә. Праймеризны инициатив төркем уздырачак, әлеге төркемгә җәмәгать оешмалар җитәкчеләре һәм танылган җәмәгать эшлеклеләре керә. Алар праймериз үткәрүнең регламентын һәм вакытын эшләячәк. Шулай ук кандидатлар исемлеген формалаштырачаклар, тавыш бирүне оештырачаклар.
Татарстан өчен быелгы президент сайлаулары үзенчәлекле: Республика Президентын ачык юл белән сайлау моннан ун ел элек үткәрелгән иде. “Безнең өчен әлеге сайлауларның максималь ачык булуы мөһим“,- диде Римма Ратникова.