ЯҢАЛЫКЛАР

Бүген 9 февральдә Биектауда татар-башкорт милли көрәше буенча герой-шагыйрь Муса Җәлил истәлегенә “Ватаным Татарстан” газетасы инициативасы белән оештырылган турнирның чираттагысы узачак.

Бу атнаның шимбәсендә – 10нчы февраль көнне Мамадышыбызда чаңгы бәйрәме – “Россия чаңгы юллары“ үткәрелә. 

Татарстан Республикасы Президентының Рәхмәт хаты, машина ачкычы, район башлыгының 1 000 000 сумлык сертификаты, хезмәткәрләргә төрле дәрәҗәдәге Мактау кәгазьләре – 9нчы февраль көнне район мәдәният йортында тарихта моңарчы күрелмәгән супертекә һәм масштаблы бәйрәм тамашасында ”ТАТМЕДИА” АҖенең “Нократ” (“Вятка”)” мәгълүмат-матбугат” филиалына тапшырылган бүләкләрнең бер өлеше генә әле бу! Ә коллектив “Гасыр премиясе” өләште.

Финанс органнарында озак еллык нәтиҗәле хезмәтләре өчен һәм тууына 55 яшь тулу уңаеннан, Татарстан Республикасы казначылык департаментының Мамадыш районындагы территориаль бүлекчәсе җитәкчесе НИНА ЯКОВЛЕВНА АБРАМОВА “Мамадышы муниципаль районы каршындагы хезмәтләре өчен“ медале белән бүләкләнде.

Дүшәмбе көнне Ярыш төрләре артты районыбыз башлыгы Анатолий Иванов үткәргән планлаштыру киңәшмәсендә предприятиеләр- оешмалар һәм бюджет учреждениеләре арасында узган ел барган спартакиадада призлы урыннарны алган командаларны бүләкләделәр. 

Эш бар һәм булачак: Мамадыш студентлары район башлыгы белән ачыктан-ачык сөйләштеләр. Узган җомгада район мәдәният йортында район башлыгы Анатолий Ивановның студентлар белән очрашу кичәсендә аншлаг иде. Мондый чара беренче тапкыр гына узмый инде. 

Кичә Мамадыш спирт заводында предприятиенең 2017нче елгы эшчәнлегенә йомгак ясау буенча киңәшмә уздырылды. Аның эшендә Татарстан Республикасы Премьер-министры урынбасары Васыйл Шәйхразиев, “Татспиртпром“ АҖ генераль директоры Ирек Миннәхмәтов, район башлыгы Анатолий Иванов, Рамил Фәттахов катнаштылар. Николай Захаров директор вазыйфаларыннан үз теләге белән азат ителде һәм коллективка яңа җитәкче тәкъдим ителде. Ул – Рамил Фәттахов.

 Якташыбыз, шәһәрдәге 4нче санлы мәктәпне тәмамлаган, бүгенге көндә Казан дәүләт федераль университетында икенче курста белем алучы ГӨЛНАЗ КӘРИ- МУЛЛИНА күптән түгел генә Германиядән җиңү белән кайтты. 

Андрей Синкевич Чиләбе өлкәсенең Трехгорный-1 шәһәрендә урнашкан хәрби частьта эшлекле сәфәрдә булып кайтты. Мамадышлылар аны, үзләре шефлыкка алган часть, дип саныйлар һәм һәр чакырылышта аңа безнең егетләр җибәрелә

Бу атнаның шимбәсендә мамадышлыларны чираттагы ярминкә көтә. Аны үткәрү өчен Кирмән икътисадый зонасы җаваплы.