ЯҢАЛЫКЛАР
Хөкүмәт аракы сатуны “йөгәнли“. Һәр җитештерелгән һәм сатылган шешә исәптә булачак. Берсен дә “югалта“ алмаячаклар.
Бүген Бөтендөнья инсультка каршы көрәш көне билгеләп үтелә, әлеге дата 2004 нче елда кертелгән, ул вакытта Бөтендөнья сәламәтлек саклау оешмасы инсультны глобаль эпидемия дип игълан итте. Бу чир дөньяда, шул исәптән Россиядә, үлем һәм гариплекнең төп сәбәпләренең берсе булып кала.
Шәһәр оешма-предприятиеләреннән, учреждениеләреннән соң алдагы мәдәни сезонның эстафета таягын авыл җирлекләре алды. Узган атна җомгасында Мамадыш тамашачысы Түбән Сон һәм Түбән Ушма авыл җирлекләре үзешчәннәренең театральләштерелгән чыгышларын карады.
Әтиемә, Раиф Хәйдәр улы Хәйдәровка, шушы көннәрдә 75 яшь тулды. Шушы гомер эчендә күпме авырлыклар күрелгән, шатлыклар кичерелгән. Кырык елга якын гомерен ул мәгариф өлкәсенә багышлады.
Якташыбыз, Казанда яшәүче Гыйльмехан Фәттәхов районыбызның сәяси репрессияләр корбаннары “Хәтер китабы“н эшләде.
Соңгы елларда Олыяз авыл җирлегендә булган матур үзгәрешләрне күп санарга мөмкин. Бу – үзарасалым акчасы җыю гамәлгә керү белән дә, хөкүмәтнең авылда үз эшен оештыручыларга ярдәм күрсәтү өчен төрле программаларны кулланышка кертүе белән дә бәйле.
–Юлларда машина хәрәкәте көчле. Балаларны тәрбияләүгә бик игътибарлы булырга, аларны кечкенә чакта ук юл йөрү кагыйдәләренә өйрәтергә кирәк, чөнки нәкъ шул вакытта ул аларның хәтерләрендә нык кала. Бергәләшеп эшләгәндә генә нәтиҗә уңай була. Балаларыбыз гел елмаеп, безгә илһам биреп торсын, – дигән сүзләр белән ачып җибәрде. Сания Талипова кулы астындагы урта төркем балалары шөгыльгә ныклап әзерләнгәннәр: җырладылар да, биеделәр дә, уйнадылар да, иң мөһиме – юлда йөрергә өйрәнделәр. Араларында, трамвайда билетсыз качып, кагыйдә белмәве аркасында адым саен хәвеф тудырып йөрүче куян да бар иде. Балалар аңа үз куллары белән ясап, светофорлар бүләк иттеләр. Куян аларны урманга алып барып, аюга да, төлкегә дә, тиенгә дә (юл йөрү кагыйдәләрен белмәсәгез, бәлки сезгә дә!) өләшәчәк. ЮХИДИнең фәнни белем бирү программаларын финанслау дирекциясе җитәкчесе Лилия Никифорова җан авазы белән чыгыш ясады: “Ике баласын кәнәфисез утырткан бер хатынны инспектор туктатып, 6 мең сум штрафка тарткан. Ә кәнәфи үзе – 2500 сум. Куркыныч гыйбрәтләр турында сөйләп тормыйм, сез алар турында үзегез дә көн саен ишетеп, күреп торасыз, юлларда, зинһар, игътибарлы булыйк, моңа вак мәсьәлә дип кенә карамыйк. Балага эңгер-меңгердә махсус яктырткычлы браслетлар, жилетлар кигертү мәслихәт. Юлларда бөтенебезгә дә имин йөрергә язсын!“ – диде ул
Мамадыш районының ГХАТ бүлегендә 29 нчы октябрендә чираттагы ана капиталы сертификатларына ия булучыларны тәбрикләү чарасы узды.