Ана капиталы сертификатлары тапшырдылар
Мамадыш районының ГХАТ бүлегендә 29 нчы октябрендә чираттагы ана капиталы сертификатларына ия булучыларны тәбрикләү чарасы узды
2015 нче елның 29 нчы октябрендә Мамадыш районы ГХАТ бүлегендә ана капиталына ия булу сертификатын тапшыру тантанасы узды. Залда утыручы бәхетле гаиләләрне район башкарма комитеты җитәкчесе урынбасары Алена Смирнова тәбрикләде, аларнын гомергә бергә мәхәббәттә, бәхеттә һәм куанычта яшәүләрен теләде.
ГХАТ бүлеге җитәкчесе Фәния Әхмәтшина үз чиратында гаиләләрне кечкенә сабыйлары туулары белән чын күңелдән котлады. Алыштыргысыз “Семейные Страницы” мәгълүмати җыентыкны тапшырды.
Россия Федерациясе Пенсия идарәсенең Мамадыштагы бүлеге җитәкчесе Шамил Хәсәнов сертификатларны тапшырганда аларны законлы рәвештә куллану мөмкинлекләрен тәфсилләп сөйләде.
Фәния Әхмәтшина ата-аналарга һәм бәйрәм кунакларына җылы теләкләрен җиткергәннән соң, барысын да истәлекле фотога чакырды.