ЯҢАЛЫКЛАР
«Яшь фермер» V интеллектуаль уенның төбәк этабында катнашуга гаризалар кабул ителә башлады. Уенда катнашу өчен 2017 елның 31 гыйнварына кадәр Lenar.Shagivaliev@kazgau.com электрон адрес буенча гариза һәм нигезләмәдә күрсәтелгән материалларны җибәрергә кирәк.
Еллар алышына, әмма традицияләр үзгәрешсез кала. Ел да район башлыгы Анатолий Иванов яңа ел бәйрәме алдыннан ярдәмгә аеруча мохтаҗ булган күп балалы гаиләләр белән очраша. Аналогик чара быел да район муниципалитеты бинасында узды.
Статистикага күз салсак, илебез халкының 48%ы Яңа елны чын чыршы белән каршылауны хуп күрә икән. Халыкның 37%ы ясалмасына да риза, 15%ы урман куагыннан башка да бәйрәмне бер дигән итеп үткәреп була дип саный.
Казанда "Ел спортчысы–2016" бүләкләү тантанасы узды.
Мамадыш шәһәрендәге кинозал 100 меңгә кадәр халкы булган шәһәрләрдә кинотеатрлар булдыру федераль проекты нигезендә сафка басты.
Кече Кирмән мәдәният йорты хезмәткәрләре илленче-алтмышынчы елларда туган авылдашларына бүләк ясадылар. Алар өчен махсус рәвештә сиксәненче еллар дискотеккасы үткәрделәр.
Яшь буынны татар халкының мәшһүр мәгърифәтчесе Ризаэддин Фәхреддиннең педагогик мирасын тирәнтен өйрәнү һәм шулай ук мәгариф хезмәткәрләренә, коллективларга рухи, матди яктан теләктәшлек күрсәтү максатыннан, Татарстан Министрлар Кабинеты 2005 елда Р.Фәхреддин исемендәге республика премиясен булдырган иде.
Мөмкинлекләре чикле кешеләр үзләрен башкалардан ким хис итәргә тиеш түгел. Моңа ирешү юнәлешендәге эшләр соңгы елларда бигрәк тә күп башкарыла. Инвалидларның социализациясе, аларны җәмгыятьтә яшәүгә җайлаштыру-яраклаштыру республикабызда өстенлекле мәсьәләләрнең берсе булып тора. Нәтиҗәдә, мөмкинлекләре чикләнгәннәргә карата сәламәт кешеләр мөнәсәбәте дә үзгәрә башлады. Елның-елында төбәгебездә физик мөмкинлекләре чикле булганнар өчен дә чыршы бәйрәме уза.
Үзәк мәйданга хуҗа булып утырган Яңа ел чыршысында да утлар кабынды. Яңа ел чыршысын кабызу тантанасы кичә узды.
Синоптиклар көндезләрен атна ахырына кадәр -4 һәм -5 градус вәгъдә итәләр. 1нче һәм 2нче гыйнварларда тагын да җылырак булырга мөмкин.