ТАБИГАТЬ ТӘ БАЛАЛАР ЯКЛЫ.
Балаларны яклау көнендә “Яшьлек“ скверы, Җиңү паркы, Нократ яр буе, “Олимп“ спорт комплексы иртәдән шат авазларга күмелде.
Һәркем төрле ярышларда, уеннарда катнашты; өлгерләр, җитезләр һәм бар яктан да осталар бүләкләргә ия булдылар. Бәйрәмгә килгән берәү дә аннан күңел төшенкелеге белән кайтып китмәгәндер. Оештыручылар, балалар үзләренең сәләтләрен күрсәтә алсын өчен, бәйгеләр- нең төрлеләрен уйлап тапканнар иде. Мәктәпләр яннарында эшли башлаган көндезге сәламәтләндерү лагерьларында да күңелле чаралар әзерләнгән. Табигать-ана да өйлә туры җиткәнче, бәйге-конкурслар тәмамланганчы, балалар рәхәтләнеп күңел ачсыннар, ярышсыннар, дип, күк йөзен авыр яңгыр болытлары белән капламыйча торды. Иртәнге бәйрәм ча- ралары төгәлләнгәч кенә чиләкләп яңгыр коярга кереште.