Район Советы һәм Башкарма комитеты бинасында авыл җирлекләре башлыклары һәм фермерлар өчен семинар узды.
Семинар барышында катнашучылар крестьян-фермер хуҗалыкларына грантлар һәм субсидияләр бирү шартлары турында мәгълүмат алдылар. КФХлар өчен грантларны ике категориягә бүлеп була: гамәлдәге хуҗалыкларга (12 айдан башлап) һәм теркәлүне планлаштыручыларга яисә бер елдан да кимрәк эшләүчеләргә. Акчаларны җир сатып алуга, төзелешкә, инженерлык челтәрләренә тоташтыруга, шулай ук терлекләр сатып алуга (проектта 150 баш эре мөгезле терлек көтүе) тотарга мөмкин. «Агромотиватор» гранты МХОдә катнашучылар өчен каралган.
Акча авыл хуҗалыгы хайваннары, йорт кошлары сатып алуга, биналар төзүгә, ремонтлауга, челтәрләргә тоташтыруга, шулай ук утырту материалы, җайланмалар һәм техника сатып алуга бирелә. КФХларга субсидияләрне гамәлдәге хуҗалыклар җайланмалар, техника, су белән тәэмин итүне җайга салу, терлекләр, кошлар һәм балык үрчетү материалы сатып алу өчен 12 айдан алырга мөмкин. «Агротуризм» гранты авыл хуҗалыгы җитештерүчеләренә (КФХ, ИП, ҖЧҖ) авыл хуҗалыгыннан кимендә 70% табыш белән каралган. Акча туристлык объектлары төзүгә, җиһазлар сатып алуга, челтәрләргә тоташтыруга һәм территорияләрне төзекләндерүгә тотыла.
Россия Федерациясе Авыл хуҗалыгы министрлыгы исемлеге нигезендә мөлкәт сатып алу һәм эшләр башкару өчен «Агротуризм» субсидиясе гамәлдәге КФХларга (12 айдан) бирелә. Семинарда катнашучылар дәүләт ярдәме чаралары турындагы мәгълүматны системалаштырырга һәм турыдан-туры компетентлы белгечкә дулкынландыргыч сораулар бирергә мөмкинлек биргән чараның гамәли әһәмияте югары булуын билгеләп үттеләр.