Кукмарада "Балкыш" фестиваленең зона сайлап алу туры узды: ветераннар иҗаты биш районны берләштерде

2026 елның 18 марты, чәршәмбе

         Кукмарада "Балкыш" фестиваленең зона сайлап алу туры узды: ветераннар иҗаты биш районны берләштерде.

17 март көнне Кукмара районы мәдәният йортында ветераннар һәм пенсионерлар арасында «Балкыш» үзешчән иҗат фестиваленең зона этабы узды. Чарага биш муниципаль берәмлектән: Кукмара, Мамадыш, Балтач, Саба һәм Питрәч районнарыннан талантлы коллективлар һәм солистлар җыелды.

      Фестиваль буыннар бердәмлегенең чын мәйданчыгына әверелде, программада катнашучыларның тормышчан ныклыгын, хезмәт сөючәнлеген һәм туган җирләренә тугрылыгын күрсәтте. Сәхнәдән тирән эчтәлекле вокаль әсәрләр, эчкерсез шигырьләр яңгырады, халык биюләре һәм тормыштан күңелгә үтеп керерлек номерлар күрсәтелде.