Ушмы елгасы аша күперләрне реконструкцияләүне сентябрьдә тәмамларга планлаштыралар
Октябрьнең 18 еллыгы урамы районында Ушмы елгасы аша асылмалы күпер ремонт эшләренә ябылды.
Елга аша чыгу җәяүлеләр хәрәкәтен уңайлы тәэмин итүче һәм шәһәрнең үзәк һәм Ушмы аръягы өлешләрен тоташтыручы инфраструктураның мөһим элементы булып тора.
Ремонт эшләре барышында күпер конструкциясенең иске элементларын алыштыру, терәкләрне көчәйтү, шулай ук ныклыкка һәм куркынычсызлыкка гомуми тикшерү үткәрү планлаштырыла.
Шушы көннәрдә «Мамадыш торак-коммуналь хуҗалыгы» ААҖ хезмәткәрләре тросны күтәреп, агач япмаларны сүтә башладылар.
Җәяүлеләр өчен асылмалы күперне ремонтлауны тәмамлауның якынча вакыты-агымдагы атна ахыры. Шуңа бәйле рәвештә, барлык гражданнардан күпер аша йөрүдән тыелып торуны сорыйлар.
Бер үк вакытта бу күпер белән реконструкциягә Ушмы елгасы аша икенче күпер дә ябыла, ул Чапаев һәм Фигнер урамнарын тоташтыра. Алдагы көннәрдә эшкә керешәчәкләр.