Татарстанда дәүләт җир күзәтчелеге мәсьәләләре буенча кайнар линия узачак
24 августта 14:00 сәгатьтән 17:00 сәгатькә кадәр Татарстан Росреестры дәүләт җир күзәтчелеге белән бәйле сорауларга җавап бирәчәк. Чара Росреестрның 15 еллыгына багышлана һәм бер үк вакытта илнең барлык төбәкләрендә дә узачак.
Кайнар линиягә шалтыратып, гражданнар, к бизнес вәкилләре түбәндәге сорауларга җавап алырга мөмкиннәр:
- Күршегез җир кишәрлегенең бер өлешен алган булса, нәрсә эшләргә?
- Шәхси торак төзелеше өчен билгеләнгән җир кишәрлегендә кибет төзеп буламы?
- Җир кишәрлеген арттырып буламы?
- Контроль-күзәтчелек чараларын үткәрүгә мораторий нинди срокка кадәр гамәлдә?
Бу һәм башка сорауларны татарстанлылар 8 (843) 255-25-71 телефоны буенча бирә алачак. Республика районнарындагы белгечләрнең телефон номерларын безнең сайтта «Гражданнар мөрәҗәгатьләре» - «Кайнар линияләр»бүлегендә дә белергә мөмкин.
Шалтыратыгыз һәм сорауларыгызны бирегез! Иң популярларына җаваплар ведомствоның рәсми ресурсларында урнаштырылачак.