Бүген район Советы һәм башкарма комитеты бинасында икътисадый зоналар арасында «Авыл уеннары» авыл спорт уеннарында җиңүчеләрне бүләкләделәр.

2023 елның 22 августы, сишәмбе

2022 һәм 2023 елларның лидерларын атадылар.

Узган спорт сезоны нәтиҗәләре буенча бронза-Шәдче зонасында, ә көмеш-Красногорка икътисади зонасында. Беренчелекне тәкәнешлеләр алды.

2023 елда  да шул ук икътисади зоналар лидерлык позицияләрендә калды. Шәдче  зонасы янә өченче урында, Красногорка һәм Тәкәнеш зоналары урыннарын алыштырып, беренче һәм икенче урыннарны бүлештеләр.

Исегезгә төшерәбез, Авыл уеннары 12 спорт төре буенча нәтиҗәләрне берләштерә, алар арасында чаңгы узышы, өстәл теннисы, аркан тарту, шахмат, волейбол һәм башкалар.

Район башлыгы Анатолий Иванов уеннарда катнашучыларга алга таба да җиңүләр теләде. Спортны, сәламәт яшәү рәвешен популярлаштыруга керткән өлешләре өчен рәхмәт белдерде.