Татарстан Рәисе Рөстәм Миңнеханов һәм РФ Авыл хуҗалыгы министры Дмитрий Патрушев Мамадыш районында булдылар.
Татарстан Рәисе Рөстәм Миңнеханов һәм РФ Авыл хуҗалыгы министры Дмитрий Патрушев Мамадыш районында булдылар.
Россия Авыл хуҗалыгы министрын «Азбука сыра» ҖЧҖ заводы эше белән таныштырдылар. Дмитрий Патрушевка җитештерү линиясен күрсәттеләр, ташламалы кредитлау нәтиҗәсендә предприятиене модернизацияләү процессы турында сөйләделәр. Нәтиҗәдә, завод продукция җитештерүне арттырырга һәм быел төрле сырларны җитештерүне1 5 мең тоннага җиткерергәипланлаштыра.
Әзер продукция стендында Авыл хуҗалыгы министрына, сырдан тыш, монда май, эремчек һәм башка продукция җитештерелә, дип хәбәр итәләр. Предприятие үз продукциясен Россиянең 66 төбәгенә җибәрә.
Шулай ук Рөстәм Миңнеханов һәм Дмитрий Патрушев 2023 елда дәүләт программасы кысаларында төзелгән Мамадыш шәһәрендәге яңа мәктәп-балалар бакчасын карадылар. Анда 240 укучы һәм 120 мәктәпкәчә яшьтәге бала йөри ала.
Татарстан Рәисе һәм Авыл хуҗалыгы министрлыгы башлыгы яңа уку йортын карадылар, җиһазландырылган уку кабинетларында, иркен ашханәдә, зур актлар залында булдылар. Кунакларга балаларга уңайлылык һәм сыйфатлы белем алу өчен барлык шартлар тудырылган дип хәбәр иттеләр.