Шәһәр һәм районны санитар-экологик чистарту буенча икеайлыкка йомгак ясадылар
Бүген гомум район планеркасында Мамадыш районы башлыгы Анатолий Иванов, шәһәрне санитар-экологик чистарту буенча икеайлыкка йомгак ясап, Мамадыш предприятиеләре һәм иҗтимагый оешмалары коллективларына башкарган эшләре өчен рәхмәт белдерде. Гомумән алганда, акциядә 15 меңнән артык кеше катнашты, ике ай эчендә 500дән артык өмә үткәрелде.
Санитар икеайлык кысаларында Мамадышта 61 берәмлек техника җәлеп ителгән, 253 куб.м. чүп-чар чыгарылган. Шәһәрне төзекләндерү һәм яшелләндерү буенча эшләр башкарылган. 1196 агач һәм 1220 куак утыртылган. Вәкаләтле затлар тарафыннан 98 кв. метрдан артык мәйданлы рөхсәтсез калдыклар урнаштыру өчен 20 урын ачыкланган. Аларның барысы да юк ителгән.
Административ хокук бозулар турында 60 беркетмә төзелде һәм каралды, 15,5 мең сумлык штраф салынды.
Үз территорияләрен тәртипкә китерүдән тыш, күп кенә учреждениеләр беркетелгән участокларда эшләгәннәр, зиратларны, сугышта һәлак булган катнашучыларга һәйкәлләрне, паркларны һәм скверларны, кече архитектура һәйкәлләрен, чишмәләрне, юл кырыен төзекләндергәннәр, коймаларны һәм бордюрларны буяганнар һ. б.
- Төзекләндерү эшен дәвам итәргә кирәк, чәчәкләр көзгә кадәр чәчәк атсын, чүп үләне үсмәсен. Безнең барыбызга да чиста һәм тәртипле шәһәрдә яшәү рәхәт булыр, - дип билгеләп үтте Анатолий Иванов.