Мамадышта Бөтендөнья сәламәтлек көненә багышланган «тормышка 10 000 адым» акциясе узачак.
4 апрельдә Бөтендөнья сәламәтлек көненә багышланган «тормышка 10 000 адым» Бөтенроссия акциясе старт ала. Акция «Без бергә сәламәтлек артыннан атлыйбыз!» девизы белән узачак. Акцияне оештыручылар - «Илкүләм сәламәтлек лигасы» Гомумроссия иҗтимагый оешмасы, муниципаль берәмлекләрнең Гомумроссия конгрессы һәм Россия Спорт министрлыгы .
Акциянең төп максаты-гражданнарның сәламәт яшәү рәвешен сакларга, хәрәкәт активлыгын арттыруга максималь игътибар җәлеп итү.
Мамадыш шәһәре халкын акциядә катнашырга чакырабыз, җыелу 10.00 сәгатьтә район мәдәният йорты янында, 10.10 сәгатьтә башлана.
Акциягә игътибар җәлеп итү максатыннан гардеробның яшел һәм сары атрибутлары: шарфлар, беретлар, бүрекләр, перчаткалар хуплана)
«10 000 адым тормыш " акциясе маршруты»:
Мамадыш ш., Совет ур., Живоначальная Троица храмына кадәр, аннары Галактионов урамы буенча яр буена кадәр, һәм кире район мәдәният йортына кадәр.
Маршрутның башлангыч һәм ахыргы нокталарында артериаль кан басымын үлчәү, авыруларны профилактикалау, сәламәт яшәү рәвешен алып бару буенча мәгълүмати буклетлар тарату оештырылачак.