Мамадышта подъездларда дезинфекция үткәрәләр

2020 елның 2 апреле, пәнҗешәмбе

Мамадышта күпфатирлы йортларның подъездларында гомуми кулланылыштагы урыннарны санитар эшкәртү башланды. Коронавирусны профилактикалау буенча чаралар 131 йортта яшәүчеләргә кагылачак. Эшкәртү механик ысул белән башкарыла, «Астера» дезинфекция чарасы кулланыла, идарәче компания белгечләре саклагыч костюмнар, респираторлар һәм перчаткалар белән тәэмин ителгән. Йортларда яшәүчеләргә, профилактик чараларга аңлап карауларын үтенәбез.  Аллергияле кешеләргә аеруча сак булырга кирәк.