ЯҢАЛЫКЛАР

Наташа сөйли: “Татарстанның чиркәү әһелләре белән Владимир якларына изге урыннарга сәяхәт итеп кайттык. Автобуста йокларга калдык. Төн уртасында яныбыздан үтеп баручы бер яшүсмер: “Татары приехали!” –дип шәрран ярмасынмы?! Автобусыбызга зур итеп “Татарстан” дип язылган иде шул. Мин үземне руслар арасындагы татар итеп хис итеп алдым. Чыгып, ипләп кенә сөйләшергә туры килде үзе белән. Алла сакласын, күрәчәгең булмасын!”

Гөмбә вакыты җитте. Көзге серле урман үзенә “тыныч ауга” әйдәкли. Гурманнар ничек тыелып торсын, әлбәттә, кәрҗиннәрен күтәреп юлга кузгала. Үзем бик омтылсам да, башка эшләр килеп чыгу сәбәпле, бу ялларда урманга барып җитә алмадым. Тик кемгә генә эшем төшсә дә, гөмбә җыя булып чыкты.

2013 нче елның 14 сентябрендә Мамадыш районы Кече Кирмән авылында яшәүче Шакирова Зәйнәп Габделмәүлә кызы үзенең 101 яшен билгеләп үтте. Бер гасырны артта калдырган Акъәбине авыл җирлеге башкарма комитеты җитәкчесе Хамис Гаян улы Акбаров һәм секретарь Гөлзия Габделхак кызы Закирова котлап, истәлекле бүләкләрен тапшырдылар.