Мамадыш районында “Саклык мәктәбе” старт алды.

Мамадыш районында “Саклык мәктәбе” старт алды. Россия ЭЭМ ның баш идарәсе җитәкчесе урынбасары Андрей Орлов “Саклык мәктәбе” республика бәйгесен ачып җибәрде. Кичә аның тантаналы ачылышы булды. Чара 3 көн дәвамында кыр шартларында узачак. 22 нче май көнне ярышларны төгәлләү һәм җиңүчеләрне ачыклау булачак. “Саклык мәктәбе- 2015” Соколка авыл җирлеге территориясендә уза. Палаткалы шәһәрчек “Кама” лагереннан ерак түгел урнашкан. Бәйгедә республиканың 20 районыннан 10-16 яшьлек 269 укучы сынала. Исегезгә төшерәбез, былтыр Мамадыш командасы иң яхшылар унлыгына эләккән иде. Ул вакытта җиңү өчен 41 команда көрәште.