Бөек бәйрәм-Җиңү көне алдыннан Мамадыш шәһәренең ГХАТ бүлегендә яшь мамадышлыларга тантаналы рәвештә паспортлар тапшырдылар
Бөек бәйрәм-Җиңү көне алдыннан Мамадыш шәһәренең ЗАГС бүлегендә ундүрт яшьлек юбилеен билгеләп үткән яшьләргә тантаналы рәвештә паспортлар тапшыру булды. Әлеге мөһим чара ЗАГС бүлеге тарафыннан «Алдынгылар хәрәкәте» Россия хәрәкәтенең җирле бүлеге һәм «Бердәм Россия» партиясе белән берлектә оештырылды. Балаларга җылы сәламләү сүзләре белән ЗАГС бүлеге начальнигы Ләйсән Дөлмиева мөрәҗәгать итте. Мамадыш районының "Алдынгылар хәрәкәте" җитәкчесе Гөлназ Кадирова яшь гражданнарны тормышларындагы мөһим этаплары һәм якынлашып килүче Җиңү көне белән котлады.
Балалар үзләренең беренче төп документын хөрмәтле кунак – сугышчан хәрәкәтләр ветераны, махсус хәрби операциядә катнашучы, сигез бала атасы Марат Гыйлемханов кулыннан алдылар. Марат Рәис улы балалар белән паспорт алу шатлыгын уртаклашты һәм Ватанга мәхәббәтнең һәм чын патриотизмның бәһасез әһәмияте турында күңелгә үтеп керерлек үгет-нәсыйхәт сүзләре әйтте.
«Бердәм Россия» партиясенең җирле бүлекчәсе вәкиле Зөлфия Ахунҗанова мәктәп укучылары өчен истәлекле бүләкләр – магнитлар һәм көндәлекләр бүләк итте, алар балаларның беренче документына символик өстәмә булды. Бу тантанада катнашкан бәхетле ата-аналар паспорт бирүнең шундый күңелгә үтеп керерлек һәм истә калырлык форматы өчен зур рәхмәтләрен белдерделәр.
Чара бу мөһим көнне сурәтләгән гомуми фотография белән тәмамланды.