Укучылар хәрби–спорт уеннарында катнашты

2014 елның 29 апреле, сишәмбе
Мәктәп укучыларының хәрби–спорт әзерлекләрен тикшерделәр. Күрше–тирә районнардан килгән командалар җиңүче исеме өчен көрәште. 
Районда Җиңү бәйрәменә багышланган чаралар үткәрелә башлады. Шуларның берсе– икенче санлы лицей базасында узган “Аҗаган” республика хәрби–спорт уеннарының зона этабы. Ул Бөек Ватан сугышы төгәлләнүнең 69 еллыгы кысаларында оештырыла. Мамадышка Байлар Сабасы, Кукмара, Лаеш төбәкләреннән кадетлар командалары килде. Безнең район данын бәйгедә шәһәрдәге 4нче санлы мәктәп коллективы яклый.
Хәрби–спорт уены презентация өлешеннән башланып китте. Командалар төркемнең исеме, девизы, әләме белән таныштырды. Алга таба укучылар турникта тартылу, гәүдә белән идәннән этелү, стройда йөрү, автомат сүтеп җыю, һ.б. төрләр буенча ярыштылар. Биремнәрне башкару алдан билгеләнгән күзәтүчеләр каршында, вакытка эшләнә.
“Аҗаган” республика уеннарының зона этабы нәтиҗәләренә килгәндә, Кукмара районы кадетлары 3нче урынны яулады. Алардан бер баскычка югарырак урында Байлар Сабасы укучылары. Ә мәйдан хуҗалары мамадышлылар җиңүче булып танылды. Район яшьләр эшләре һәм спорт бүлеге җитәкчесе урынбасары Айнур Әгъләмов катнашучыларга рәхмәт белдереп, бүләкләр тапшырганнан соң, бәйгенең финалында катнашачак Мамадыш командасына уңышлар теләде.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив хокукый актлар
Гражданнар кабул итү
Матбугат хезмәте
Адрес: РТ, Мамадыш шәһәре, М.Җәлил ур, 23/33 йөрт
Телефон: 8(85563) 3-15-90
E-Mail: sovet.mam@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International