Мамадыш муниципаль районы

Мамадышта Чернобыль АЭС авариясе корбаннарын искә алдылар

2014 елның 29 апреле, сишәмбе

28 ел элек булган әлеге фаҗигане ликвидацияләүдә катнашучылар истәлегенә куелган “Тыныч атом” һәйкәл янәшәсендә митинг узды. Бирегә өлкәннәр, балалар һәм үсмерләр, урта буын вәкилләре, яшьләр җыелган иде. 1986 нчы елның 25 еннән– 26нчы апреленә каршы төндә атом энергетикасы тарихында иң куркыныч һәм зур һәлакәт искәртелә. Ике шартлау нәтиҗәсендә атом реакторы тулысынча җимерелеп, атмоферага радиактив матдәләр тарала. Бу процессны туктату өчен саркофаг төзү карары кабул ителә. Ул 206 көн һәм төн төзелеп, анда 600 меңнән артык кеше катнаша.

Митингны район башлыгы исеменнән мәдәният бүлеге җитәкчесе Валерий Шрыков ачып җибәрде.

–Без бүген куркыныч авариянең 28 еллыгын каршы алабыз. Һәлакәт нәтиҗәләрен бетерүдә катнашкан кешеләр – үз тормышлары һәм сәламәтлеге барабәренә безнең илне, Ауропа илен коткаручы геройлар. Бу кешеләр шартлау үзәгендә үзләре турында уйламыйча, батырларча үз бурычларын үтәп бихисап кешеләрнең гомерен саклап калдылар. Алар арасында безнең 59 якташыбыз булган. Бүгенге көндә 26 арабыздан китеп барды, - диде Валерий Шрыков.

Чернобыль АЭС һәлакәте нәтиҗәләрен бетерү эшендә катнашучыларга рәхмәт сүзләрен “Хәтер” фонды директоры Рафаил Газизов, “Чернобыльчеләр союзы” оешмасы җитәкчесе Рамил Миңнеханов һәм һәлакәт ликвидаторы Сергей Михайлов җиткерделәр.

Митингта якты дөньядан китеп барган чернобыльчеләрне 1 минут тынлык белән искә алдылар, һәйкәлгә чәчәк һәм веноклар салынды.

БАРЛЫК ЯҢАЛЫКЛАРНЫ УКУ