Суд практикасыннан кызыклы очрак

         Кайсы бала самокат турында хыялланмый икән? Бу гадәттә аягында ышанычлы басып тора башлаган баланың беренче транспорты була.

         Җәйге көннәрнең берсендә шәһәр базарында кулланучы самокат сатып алган. Әтисенең бүләге кызына ошый. Шул ук көнне ул самокатта йөри башлый. Ләкин алгы тәгәрмәч төшеп кала.

             Товар сатып алынган сәүдә ноктасында тәгәрмәчне борып куйганнар. Икенче һәм аннан соңгы көндә тәгәрмәч вакыйгасы кабатлана. Сатучы товарны кулланышта булган дип санап, аны кабул итүдән баш тарта.

             Әмма «Кулланучылар хокукларын яклау турында» 1992 елның 7 декабрендәге 2300-I номерлы РФ Законының 18 маддәсе (алга таба Закон) нигезендә кулланучы тиешле сыйфатта булмаган товарны кире кайтарырга хокуклы. Кулланучы тарафыннан төзелгән дәгъваны сәүдә ноктасында кабул итүдән баш тарталар.

      Самокат тарихы судка барып җитә, чөнки сатучы сатып алучының законлы таләпләрен үтәүдән, ягъни сыйфатын тикшерү өчен тиешле сыйфатта булмаган товарны кире кабул итүдән баш тарта. Судта эшлекле сәүдәгәрнең самокат техник яктан катлаулы товар һәм бары тик гарантияле ремонт ясалырга тиеш дигән дәлилләренә суд РФ Хөкүмәтенең «Техник яктан катлаулы товарлар исемлеген раслау турында» 10.11.2011 ел №924 карары нигезләмәләрен аңлатты, аның нигезендә самокат техник яктан катлаулы товар дип саналмый. Законның 18 маддәсе нигезендә кулланучы товарда кимчелекләр табылган очракта, әгәр алар сатучы тарафыннан килештерелмәгән булса, үз теләге белән  түбәндәгеләрне таләп итәргә хокуклы:

- товарны тиешле сыйфаттагы шундый ук модельгә йә бәяне яңадан исәпләп, башка модельгә алыштырырга;

сатып алу бәясен тиешенчә киметү;

кимчелекләрне түләүсез бетерү (әгәр бу техник яктан мөмкин булса) йә аларны бетерү чыгымнарын каплау;

- сату сатып алу килешүен өзәргә һәм түләнгән сумманы кире кайтарырга.

   Сатучыга кулланучының таләпләрен канәгатьләндерүдән башка чара калмады - сатып алучыга товар өчен түләнгән акчаны кире кайтарды.