Казахстан делегациясе Мамадыш үзәк район хастаханәсендә булды
Сәламәтлек саклау өлкәсендә төбәкара хезмәттәшлекне ныгыту һәм тәҗрибәне өйрәнү максатыннан «Мамадыш үзәк район хастаханәсе» ДАССОга эш визиты белән Казахстан делегациясе килде. Аның составында Әсел Корбанбәк кызы Бекарыстанова һәм Гөлзирә Отаровна Доланова бар иде.
Делегация визитының төп максаты-дәвалау учреждениесенең эшен оештыру, диагностика һәм дәвалауның заманча ысуллары белән танышу, шулай ук беренчел медик-санитар ярдәм күрсәтү практикасын өйрәнү, шул исәптән авыл җирлекләрендә дә. Визит программасы нигезендә, кунаклар хастаханәнең төп бүлекләренең һәм кабинетларының эше белән җентекләп таныштылар. Администрация хезмәткәрләре баш табиб Руслан Заһир улы Гарипов җитәкчелегендә экскурсия үткәрделәр, аның кысаларында анестезиология-реанимация һәм интенсив терапия бүлегенең, гемодиализ бүлегенең, көндезге стационарның, эндоскопия бүлегенең һәм операция блогының, шулай ук компьютер томографиясе һәм ЭКГ кабинетларының мөмкинлекләрен күрсәттеләр. Делегация вәкилләрендә гомуми практика табиблары бүлегендә 65 яшьтән өлкәнрәк пациентларны кабул итү өчен махсуслаштырылган кабинет булу аеруча кызыксыну уятты.