Мамадышның 2 нче лицеенда энергокласслар ачылды
Мамадыш шәһәренең 2 нче лицеенда Казан дәүләт энергетика университетының (КДЭУ) Ачык ишекләр көне узды, монда югары уку йорты һәм лицей арасында хезмәттәшлек турында килешү имзаланды.
Рәсми тантана кысаларында лицей базасында энергетиканың төп юнәлешләрен тирәнтен өйрәнү өчен махсуслаштырылган энергокласслар булдыруны күздә тоткан килешү имзаланды. Килешү шулай ук университет укытучыларының Мамадыш укучылары өчен лекцияләр, семинарлар һәм мастер-класслар үткәрүен, лицей педагогларына һөнәри юнәлеш бирү эшен оештыруны һәм методик ярдәм күрсәтүне, шулай ук укучыларны КДЭУга һәм башка профильле югары уку йортларына укырга керүгә әзерләүне үз эченә ала. Ачык ишекләр көнендә өлкән сыйныф укучылары өчен масштаблы гамәли программа оештырылды. Бер үк вакытта лицейның тугыз аудиториясендә КДЭУ укытучылары һәм студентларыннан интерактив мастер-класслар узды. КДЭУның әлеге проекты Мамадыш районы укучыларының белем сыйфатын күтәрүгә һәм һөнәри үзбилгеләнүенә ярдәм итәчәк озак сроклы проект булачак.