Мамадышта "Бизнес һәм хакимият: ачыктан-ачык сөйләшү" проекты кысаларында җирле эшмәкәрләр өчен мөмкинлекләрне киңәйтүгә юнәлдерелгән чара узды.

2025 елның 16 октябре, пәнҗешәмбе

Очрашу бизнесның хокукларын һәм законлы мәнфәгатьләрен яклау мәсьәләләренә, шулай ук онлайн-сәүдә һәм логистиканы оптимальләштерү кебек перспективалы үсеш юнәлешләренә багышланды. Мамадыш муниципаль районы башлыгы Вадим Никитин чараны ачып, катнашучыларны сәламләде һәм районның икътисади үсеше турында сөйләде. Бизнес-интенсив кысаларында чакырылган экспертлар, бизнес өчен актуаль темалар тәкъдим итеп, өйрәтү модульләре уздырдылар. Һәр модуль сораулар һәм җаваплар сессиясе белән тәмамланды, бу эшмәкәрләргә индивидуаль консультацияләр алырга мөмкинлек бирде.