Мамадышта Ленин урамындагы күпфатирлы йорт файдалануга тапшырылды
Дүрт катлы кирпечтән төзелгән торак объект Татарстан Республикасы Рәисе каршындагы Дәүләт торак фонды заказы буенча төзелгән. Техник заказчы функцияләрен «ТР Баш инвестиция-төзелеш идарәсе»ДКУ башкарды. Генераль подрядчы булып «Мамадышстрой»ЯАҖ тора.
Яңа торак объект 24 фатирга исәпләнгән. Аларның 13 е дәүләт программаларында катнашучылар арасында бүленгән, тагын 6 сы дәүләт контракты төзелгәннән соң ятим балаларга тапшырылачак. Мамадыш районы башлыгы Вадим Никитин шәхсән үзе якташларын өй туе белән котлады, муниципалитет Дәүләт торак фонды белән тыгыз хезмәттәшлекне дәвам итәчәк - шәһәрдә торакка ихтыяҗ бар, төзелеш һәм коммерцияле торак вариантлары каралачак, дип билгеләп үтте. "Без демография, территорияне хезмәт ресурслары белән тәэмин итү мәсьәләләрендә нәтиҗәләргә ирешергә теләсәк, төзелешне, торакның сыйфатын һәм һәркем файдалана алырлык булуын тәэмин итәргә бурычлы", - дип язды Вадим Никитин үз ресурсларында.
Фатир ачкычын махсус хәрби операциядә катнашкан, хәрби хәрәкәтләр ветераны Фәнил Мәүҗүтов та алды. Проект «тормыш өчен Инфраструктура» илкүләм проекты кысаларында гамәлгә ашырылды, аның төп бурычларының берсе гражданнарны сыйфатлы һәм һәркем сатып ала алырлык торак белән тәэмин итүне арттыру.