Бүген Мамадышта шәһәр көнен билгеләп үтәләр. Мамадышлыларны һәм кунакларны бай программа көтә. Чараларны "СВОга ярдәм йөзеннән" авто-мотоузыш ачты, аңа Мамадыш муниципаль районы башлыгы Вадим Никитин да кушылды. Колонна шәһәр урамнары буйлап Мәңгелек ут мемориалына кадәр барды. Авто-мотоузышта катнашучылар Ватан өчен гомерләрен биргән якташларыбыз истәлегенә чәчәкләр салдылар.