Вадим Никитин район предприятиеләренең хезмәт коллективлары белән очрашуларны дәвам итә
«Татспиртпром» АҖ «Мамадыш спирт заводы» филиалы һәм «Мамадыш кирпеч заводы» ҖЧҖ Мамадыш районы икътисадында мөһим урын алып торучы эре сәнәгать предприятиеләренең берсе булып торалар. Шушы көннәрдә район башлыгы Вадим Никитин әлеге оешмалар коллективлары белән аларның эшчәнлегенең төп аспектлары турында фикер алышу максатында очрашты. Очрашулар барышында агымдагы эш күрсәткечләре, ирешелгән нәтиҗәләр каралды. Җитештерү җиһазларын модернизацияләү мәсьәләләренә аерым игътибар бирелде, чөнки алар предприятиеләрнең нәтиҗәлелеген һәм конкурентлык сәләтен арттыруга ярдәм итә. Шулай ук хезмәт шартлары турында да фикер алыштылар — район башлыгы хезмәткәрләр өчен имин, уңайлы һәм мотивацияләүче мохит булдыруның мөһимлеген ассызыклады. Ике предприятиенең дә үсеш перспективаларына, продукция ассортиментын киңәйтүгә һәм базардагы позицияләрне ныгытуга аерым тукталдылар.