Сораган идегез–бал

2013 елның 15 ноябре, җомга
Районыбызда умарта тотучылар шактый. Күбесе балын сата. Ләкин сатуга чыгарганда нинди савытларга тутырасын, нинди документлар әзерлисен белмәүчеләр дә бар. Редакциябез үтенече буенча, ветеринария табибы Фәнис Нигъмәтҗанов “Россельхознадзор” идарәсе инспекторы Рәшит Хәйруллинга берничә сорау белән мөрәҗәгать итте.
–Балны сатуга чыгару өчен эшне нәрсәдән башларга?
–Бал тереклек продукциясенә керә һәм шуңа күрә аның кайда әзерләнгәнен, сыйфатын, куркыкычсызлыгын раслаучы ветеринария таныклыгы һәм белешмәләре, лаборатор тикшерү беркетмәләре кирәк.
–Аларны кем бирә?
–Райондагы ветеринария берләшмәсенә мөрәҗәгать итәсе. Бал җитештерүчеләргә ветеринар-санитар паспортны да алар бирә. Паспортта елына ике тапкыр кортлар Мамадыш ветеринария лабораториясендә тикшерелгән дигән тамга булырга тиеш. Балны район эчендә сатканда – 4нче номерлы ветеринария белешмәсе, районнан читкә чыгарганда 2нче номерлы ветеринар таныклык кирәк. 
–Ә бу документларны алу озакмы?
–Юк. Анализ нәтиҗәләре булса (балны тикшергәнгә экспертиза), аны сатуга җибәрү өчен кирәкле кәгазьләр мөрәҗәгать итү белән языла. 
–Балны нинди савытларда йөртү яхшырак икәнен әйтмәдегез әле.
–Иң яхшысы–агачтан эшләнгән кисмәкләр. Пыяла савытлар да әйбәт. Гомумән, балны 3-0,5 литрлы банкаларда сату традициядә. Бу да зыянлы түгел. Тимер савытларга салырга киңәш итмибез. Чәйләрне сыйфатлы, тәмле баллар белән эчәргә язсын! 

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив хокукый актлар
Гражданнар кабул итү
Матбугат хезмәте
Адрес: РТ, Мамадыш шәһәре, М.Җәлил ур, 23/33 йөрт
Телефон: 8(85563) 2-20-01
E-Mail: sovet.mam@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International