Өлкән буын гражданнары арасында финанс грамоталылыгы буенча республика олимпиадасы
Россия Пенсия фондының Татарстан Республикасы буенча бүлеге һәм «Россия пенсионерлары берлеге» төбәк бүлеге Россия Үзәк банкының Идел-Нократ баш идарәсе катнашында өлкән буын гражданнары арасында финанс грамоталылыгы буенча республика олимпиадасын үткәрү турында хәбәр итә.
Республика олимпиадасы онлайн-форматта 2022 елның 26 апрелендә 08:00 дән 20:00 гә кадәр үткәрелә.
Олимпиадада 55 һәм 60 яшькә җиткән хатын-кызлар һәм ир-атлар, шул исәптән университетта өстәмә белем бирү программалары («Финанс грамоталылыгы нигезләре», «Икътисад һәм хокук», «Хокукый грамоталылык нигезләре», «Сбербанк – өлкән буынга», «Цифрлы финанс грамоталылыгы») буенча Өченче буын университетында белем алган һәм үзлектән белем алу формасында программаларны үзләштергән затлар катнаша ала.
Республика олимпиадасын үткәрү турында нигезләмә, шулай ук онлайн-форматка кушылу буенча инструкция белән тулырак русча вариантта танышырга мөмкин.