Мамадышта терроризмга каршы комиссиянең чираттагы утырышы узды
Бүген район башлыгы Анатолий Иванов җитәкчелегендә террорчылыкка каршы комиссия утырышы узды. Утырыш эшендә район җитәкчелеге, хокук саклау органнары вәкилләре, район оешмалары һәм учреждениеләре җитәкчеләре, авыл җирлекләре башлыклары һәм массакүләм мәгълүмат чаралары катнашты. Көн тәртибендәге төп мәсьәлә-Россия-Украина чикләрендәге вәзгыять һәм террорчылык янаулары арту белән бәйле террорчылык көчләренең потенциаль объектларын һәм кешеләр күпләп була торган урыннарны террорчылыкка каршы яклауны көчәйтүгә юнәлдерелгән өстәмә чаралар күрү, шулай ук утырышта түбәндәге мәсьәләләр каралды: -мәгариф һәм мәдәният объектларының террорчылыкка каршы яклануын көчәйтү.
- «Аерым игътибар» затлар белән эшләү буенча-белем бирү учреждениеләренең балалар белән эшләү буенча риск төркеме
-Олыяз авыл җирлеге мисалында терроризмны һәм экстремизмны профилактикалау буенча фикер алышу
Комиссия утырышында шулай ук районның потенциаль объектлары исемлеге һәм ТР һәм районның АТК карарларын үтәү һәм контрольдә тотуны оештыру турында Нигезләмә расланды.