Татарстанда елның иң яхшы территориаль иҗтимагый үзидарәсе конкурсы башланды
«Татарстан Республикасының иң яхшы территориаль иҗтимагый үзидарәсе» республика конкурсы старт алды. Ул ике этапта үткәрелә: муниципаль һәм республика этабы.
Конкурсның төп максаты-территориаль иҗтимагый үзидарәләр эшчәнлегенең нәтиҗәлелеген арттыру, шулай ук җирле әһәмияттәге мәсьәләләрне хәл итү буенча халыкның эшлекле һәм социаль активлыгын үстерү.
Территориаль иҗтимагый үзидарәләр эшчәнлегенең төрле юнәлешләр буенча: халык белән эшләү, шул исәптән шәһәрлеләрдән кергән мөрәҗәгатьләр буенча уңай хәл ителгән каралар саны, уздырылган җыелышлар саны, Физик культура һәм спорт өлкәсендә башкарылган эшләр, үткәрелгән спорт чаралары саны, мәдәни-массакүләм эш, гражданнарның социаль яклауга мохтаҗ категорияләренә ярдәм итү, территорияләрне төзекләндерү һәм яшелләндерү, җәмәгать тәртибен саклау өлкәсендәге эшчәнлек бәяләнәчәк.
Конкурсның беренче этабында катнашу өчен гаризалар 17-28 гыйнварда кабул ителә, аларны муниципаль конкурс комиссияләре караячак.
7-18 февральдә конкурсның икенче этабы өчен материаллар кабул ителәчәк, нәтиҗәләр 5 мартта ясалачак.
Җиңү өчен көрәшергә теләгән территориаль иҗтимагый җирле үзидарәләр шәһәр районнары администрацияләрендә гариза бирә алалар.
Конкурста катнашу шартлары белән тулырак русча варианттагы сылтама буенча танышырга мөмкин.