Мамадышта «Теләкләр чыршысы» хәйрия акциясе старт алды
Мамадыш районы оешма җитәкчеләре һәм авыл җирлекләре башлыклары «Теләкләр чыршысы» акциясендә катнаштылар. Аның асылы- игътибарга мохтаҗ кешеләрне кайгырту һәм аларның яңа ел теләкләрен үтәү.
Үземне тылсымчы итеп тою бик рәхәт һәм җиңел. Чыршыдан открытка алырга, яңа ел теләген укырга һәм бала хыялланган бүләкне сатып алырга кирәк. Бу юлы теләк агачын 104 кулдан ясалган уенчык бизәде.
«Теләкләр чыршысы» хәйрия акциясе барышында ел саен район башлыгы, авыл җирлекләре башлыклары, предприятие, оешма, учреждение җитәкчеләре һәм районыбызның битараф булмаган барлык кешеләр мохтаҗларның Яңа ел хыялларын тормышка ашыручы чын тылсымчы була алалар.
Инвалид бала тәрбияләүче гаиләләргә, авыр тормыш хәлендә калган аз керемле гаиләләрдәге балаларга бүләкләрне инде өченче ел җыялар. Балаларның теләкләре төрле: смартфон, планшет, смарт-сәгатьләр, курчак, уенчыклар, электроквадрацикл, уенчыклар һәм башкалар.
Барлык теләкләр дә ел ахырына кадәр үтәлергә тиеш.