Балалар сәнгать мәктәбе үзенең юбилеен билгеләп үтте

Композитор Яруллиннар исемен йөртүче Мамадыш балалар сәнгать мәктәбе үзенең 50 еллык юбилеен билгеләп үтте. Бу уңайдан мәктәпнең актлар залында зур бәйрәм үтте. Анда Россиянең төрле төбәкләреннән килгән кунаклар, төрле елларда шушуы мәтәптә эшләгән укытучылар, аны тәмамлаган  һәм хәзерге көндә укучы балалар, аларның әти - әниләре җыелган иде. Шулай ук Россиянең халык артистлары Владислав Казенин, Валерий Алиев, СССРның халык артисты Людмила Лядова кебек күренекле шәхесләр дә чакырылган иде. Алар сәнгать мәктәбе коллективын шушы тантаналы дата белән кайнар котладылар һәм иң изге теләкләрен җиткерделәр.