Яшьләр көнен оештыру турында районның актив һәм инициативалы яшьләре катнашында фикер алыштылар.

Кичә район оешмалары һәм предприятиеләре, шулай ук авыл җирлекләре вәкилләре белән очрашу булды. Очрашу барышында бәйрәм программасы турында гына сөйләшеп калмадылар, планнар да билгеләделәр, бүген яшьләрне борчыган темалар турында сөйләштеләр. Катнашучылар алдында район Башкарма комитеты җитәкчесе урынбасары Муса Хуҗаҗанов чыгыш ясады, ул бүгенге көндә республикада фермерлар, эшмәкәрләр һәм үз эшләре белән шөгыльләнергә теләгән кешеләр өчен гамәлдә булган ярдәм чаралары турында сөйләде. Торакны исәпкә алу һәм бүлү бүлеге җитәкчесе Инзил Сәлахетдинов яшьләр өчен торак программаларына кагылышлы күпсанлы сорауларга җавап бирде. Яшьләр эшләре һәм спорт бүлеге җитәкчесе Алексей Смирнов мамадышлыларның инициативасына, активлыгына ихтыяҗ булуын билгеләп үтте. Бүген хәтта иң кыю идеяләрне дә тормышка ашыру өчен юнәлешләр һәм мөмкинлекләр күп. Моның өчен, әйтик, грантлар бар. Якын арада бу идея буенча фикер алышу һәм грантлар алу өчен эшләр язу һәм рәсмиләштерү буенча укыту семинары үткәрү өчен тагын бер тапкыр җыелырга дигән карар кабул ителде.