Мамадышта чәчәкләр утырту эшенә керештеләр. "Мамадыш ЖКУ» оешмасы тарафыннан 30 мең үсенте утырту планлаштырыла. Җәй көне Мамадыш урамнарын петуния, цинерарий, бәрхет гөле, сальвиядән торган клумбалар бизәячәк. Яшелләндерү белән «Мамадыш-ТКУ»ҖЧҖ хезмәткәрләре шөгыльләнә. Беренче чәчәк түтәлләре Совет һәм Азин урамнарында пәйда булды. Шәһәрдә чәчәкләр утырту кампаниясен июнь башында тәмамлау планлаштырыла.