Дегетле колониясе тоткыннары Корбан ашыннан авыз иттеләр.
Татарстанда Корбан бәйрәмендә мохтаҗларга атап 2250 тәкә һәм 50 сыер чалган иделәр.Татарстан мөселманнары Диния нәзарәте карары белән корбан ите, мохтаҗларга тарату өчен, «Зәкят», «Ярдәм» фондларына, Татарстан Республикасы Сукырлар җәмгыятенә, 11 мәдрәсә һәм 4 мөхтәсибәткә озатылды. Мамадыш районы Дегетле авылындагы колония-җирлеккә дә аңардан саллы гына өлеш чыккан иде.
Бүген исә әлеге ризыктан биредә Корбан ашы үткәрелде. Чарада район мөхтәсибе Илһам хәзрәт Миннегалиев, Түбән Яке мәчете имамы Нәкыйп хәзрәт Сагиров та катнашты.
Хәтерем ялгышмаса, Дегетле колониясендә мондый чараның тәүге тапкыр узуы. Милләтенә, диненә карамыйча барлык тоткыннар бүген хәләл иттән әзерләнгән Корбан ашыннан авыз иттеләр, үтемле вәгазьләр тыңладылар. Бу традиция дәвамлы булыр дип уйлыйм,-дип тәэсирләре белән уртакшлашты Илһам хәзрәт Миннегалиев.