Татарстан кырларына агитбригадалар чыга башлады. Мамадыш районында район мәдәният йорты үзешчәннәре кырда уңыш җыюда эшләүче механизаторларга рухи дәрт биреп, аларның күңелләрен күтәрделәр. Кагыйдә буларак, андый бригадалар комбайнчыларның төшке аш вакытында чыгыш ясыйлар. «Артистлар чыгышы, җыр һәм бию эшкә яңа көч, дәрт, күтәренке рух өсти. Кәеф күтәренке булганда, эш тә җиңел бара», - диләр механизаторлар.