Алтын туй.
23 февраль көне Мамадыш районы Югары Кыерлы авылында яшәүче Абралетдин һәм Миннегөл Багавиевлар гаиләсендә икеләтә бәйрәм булды. Ватанны саклаучылар көнен бәйрәм итү белән беррәттән алар алтын туйларын уздырдылар.Иңне-иңгә куеп тормыш сукмагыннан 50 ел бергә атлыйлар алар. 3 ир-бала-Ватанны саклаучылар тәрбияләп, олы тормыш юлына озаткан бу гаилә , бәйрәм көнендә гөрләп торды. Әбисен - бабасын котларга оныклар да кайтты, күңел түреннән чыккан иң изге хисләрен җиткерделәр алар.
Абралетдин абый һәм Миннегөл апа гомер буе колхозда эшләп , иген үстереп, лаеклы ялга чыктылар. Абралетдин абый тракторда, Миннегөл апа колхозның төрле эшендә, җәен икмәк аертуда, кышшын орлык әзерләүдә эшләде. Сабыр, тыйнак , эшчән бу гаилә башка гаиләләр кебек, мал-туарын, кош-кортын асрап, җиләк-җимешен үстереп көн күрә.
40 елга якын әниләре Бибинур әби белән матур гомер кичереп, аны 105 яшендә соңгы юлга озаттылар. Тормыш арбалары шулай тигез генә тәгәрәсен, исәп-хәсрәтләр, бәла-казалар күрмичә, тигезлектә-муллыкта, исән-сау яшәсеннәр дигән теләктә калабыз.