Район башлыгы Анатолий Иванов Ифтарны традиция һәм каноннарны исәпкә алып үткәрүне сорады

2024 елның 1 апреле, дүшәмбе

Бүген Мамадышта гомумрайон ифтарын үткәрергә әзерләнәләр. Ул 2 нче лицей базасында узачак һәм анда 300 дән артык кеше катнашыр дип көтелә.  Мамадыш районы башлыгы Анатолий Иванов оештыручылардан ифтарны ислам диненең гореф-гадәтләрен саклап  үткәрүне сорады

Аны безнең әбиләр һәм бабайлар уздырган кебек, тыйнак кына,  күңел ачу элементларыннан башка гына, - диде Анатолий Иванов.

Ифтар оештыру эшенә район эшмәкәрләре бик теләп ярдәм итте. Әзер ризыкларның бер өлешен һәм продуктларны мохтаҗларга тапшырачаклар.