Терлекчелек районның мөһим тармагы. Районның эпизоотик иминлеген саклау өчен нәрсә кирәк.
Мамадыш районы Татарстанда иң зур район булып тора, аның гомуми мәйданы 260 мең гектар һәм иң эре авыл хуҗалыгы районнарының берсе. Шулай ук безнең район авыл хуҗалыгы хайваннары күп булган районнар санына керә. Димәк, терлекчелек районның мөһим тармагы булып тора.
Күп санлы хайваннар һәм күп күләмдә хайваннардан алынган продукция кертелә.
2022 ел нәтиҗәләре буенча Татарстан Республикасына 49 364 баш мөгезле эре терлек кенә рәсми рәвештә китерелгән. Шул исәптән 12 505 импорт терлек. Мамадыш районына башка төбәкләрдән һәм районнардан барлыгы 21 475 баш китерелгән. Барлык кертелгән терлекләр йогышлы авыруларга тикшерелә һәм карантин вакытында аеруча куркыныч авыруларга каршы прививка ясала.
Гомумән, дөнья һәм ил буенча эпизоотик хәл тынычсыз. Татарстан Республикасында эпизоотик хәлне саклау өчен дәүләт ветеринария хезмәте җитештерү ветеринария табиблары белән берлектә ел саен зур эш алып бара.
Рәсми булмаган чыганаклар Казахстан Республикасының Актүбә өлкәсе территориясендә котыру чире буенча хәл кискенләшә дип яза. Безнең терлекчелек районы өчен бу зур куркыныч тудыра.
Безнең район территориясенә Казахстан Республикасыннан һәм башка имин булмаган төбәкләрдән терлекләрне күчерүне булдырмаска кирәк. Моннан тыш, хайваннарны Казахстан белән чиктәш булган Ырымбур, Самар, Һарытау, Чиләбе өлкәләреннән кертүне булдырмаска кирәк.
«Мамадыш район дәүләт ветеринария берләшмәсе» дәүләт бюджет учреждениесенә "тәгәрмәчтән"терлек сату фактлары турында хәбәр итүне сорап, килеп чыгышы билгесез булган хайваннарны һәм кошларны сатып алмаска кирәк. Чөнки авырулар килеп чыкса, тирә-юньдәге барлык хайваннар зыян күрәчәк.
Быелның 1 мартыннан РФ Хөкүмәтенең (01.02.2023 no 139 һәм no 140) карарлары үз көченә керде. Әлеге карарлар нигезендә, әгәр дә предприятиенең Био куркынычсызлыгы бозылса, авыру чыккан очракта терлекләрне тартып алган өчен компенсация түләнмәскә мөмкин.
Әлеге карарларның гамәлдә булуы гражданнарның шәхси ярдәмче хуҗалыкларына да кагыла.
Зыянны каплауга өметләнергә ярамый, ә үз хуҗалыгыңда аеруча куркыныч авыруларны булдырмау буенча чаралар күрергә кирәк.
2023 елның 1 сентябреннән 2022 елның 28 июнендәге 221-ФЗ номерлы закон үз көченә керәчәк. Документ «Ветеринария турында» гы законга үзгәрешләр кертә һәм авыл хуҗалыгы хайваннарын мәҗбүри маркировкалауны, шулай ук аларны исәпкә алуны кертә. Шул ук вакытта закон буенча терлекләрне маркировкалау 2024 елның 1 мартыннан да иртәрәк булмаячак. Хайваннарны исәпкә алу өчен Россельхознадзорда «Ветис»-«Хорриот»ФГИС компонентын уйлап таптылар һәм сәнәгый файдалануга тапшырдылар.
Татарстан Республикасы Хөкүмәте ярдәме белән биркалар сатып алуга һәм шәхси ярдәмче хуҗалыкларда хайваннарны идентификацияләүгә финанслау бүлеп бирелде. Халык өчен бу эш бушлай башкарыла.
Районыбызның эпизоотик иминлеген бары тик уртак көч белән генә саклап кала алабыз.