Бөек Ватан сугышы ветераны Евдокия Коробова вафат булды
Кичә кич, 2020 елның 20 декабрендә, Евдокия Сергеевна Коробова вафат булды. Евдокия Сергеевна белән хушлашу бүген 11:00 сәгатьтә, аның йорты янында, М.Җәлил урамы, 9 йорт адресы буенча узачак.
1942 елда Евдокия Коробованың сержант-артиллерист, 30-2, 515 нче зенит-артиллерия полкының приборчылар бүлеге командиры булып эшли башлый. 1943 елның маена кадәр Евдокия радисткалыкка укый. Соңрак приборчыларның аерым зенит-артиллерия дивизионы формалаштырыла. 1944 елның гыйнвар уртасында ул Польшада сугыша.
Якташыбыз өенә 1945 елның 25 августында кайта. Сугыштан соң Промкомбинат, Лесхоз, икмәк-төлек комбинатында, «Таткоопстрой»да хисапчы булып эшли.
Евдокия Сергеевна Коробова III дәрәҗә Дан ордены, «1941 - 1945 еллардагы Бөек Ватан сугышында Германияне җиңгән өчен», «Батырлык өчен», «Берлинны алган өчен» медальләре, юбилей медальләре белән бүләкләнгән. Быел аңа 97 яшь тулды.
2020 елның 23 сентябрендә сугыш ветераны Василий Маратканов вафат булган иде. Бүгенге көндә Мамадыш районында Бөек Ватан сугышында катнашкан 14 кеше бар.