Мамадышлыларга Россия гадәттән тыш хәлләр министрлыгының "Куркынычсызлык" мобиль кушымтасын күчереп алырга тәкъдим иттеләр
«Россия гадәттән тыш хәлләр министрлыгы» мобиль кушымтасы мәгълүмати-аналитик үзәк белгечләре тарафыннан эшләнгән һәм Google Play, App Store онлайн-кибетләрендә iOS һәм Android операцион системаларында эшләү өчен бушлай йөкләп алу мөмкинлеге бар.
Сервис кулланучының шәхси ярдәмчесе буларак эшләнгән һәм ул өлкәннәр арасында да, үсеп килүче буын арасында да куркынычсыз тәртип культурасын формалаштыруга ярдәм итүгә юнәлдерелгән. Кушымтада кулланучыга коткару хезмәтен чакыру, шулай ук кирәк булган очракта ул бүлешә ала торган геолокацияне билгеләү мөмкинлеген бирә. Тулырак мәгълүмат алу өчен кулланучы һәрвакыт оператив рәвештә Россия гадәттән тыш хәлләр министрлыгының рәсми интернет-порталы сәхифәсенә күчә ала.
«Россия гадәттән тыш хәлләр министрлыгы» мобиль кушымтасы үз эченә файдалы мәгълүматлы рубрикаларны гына түгел, интерактивларны да ала. Хәзерге вакытта «нәрсә эшләргә», «Гадәттән тыш хәлләр министрлыгы киңәш итә», «Беренче ярдәм», «рисклар картасы», «үз әзерлегеңне тикшер», «үз белемеңне тикшер»дигән алты рубрика эшләнгән.
Киләчәктә кушымтада Яңалыклар тасмасы һәм начар һава торышы күренешләре, шул исәптән шторм кисәтүләре турында онлайн-мәгълүмат биреләчәк. Моннан тыш, туристик төркемнәрне теркәү дә өстәләчәк.