Мамадышта яшәүчеләрне көч куллануга ачыктан-ачык чакырулары өчен хөкем итәчәкләр
Татарстанда Мамадыш шәһәрендә яшәүче 62 яшьлек һәм 65 яшьлек ике ир кешегә карата җинаять эшен тикшерү төгәлләнде. Аларны РФ Җинаять кодексының 205.2 статьясының 1 өлешендә каралган җинаятьтә («террорчылык эшчәнлеген гамәлгә ашыруга ачыктан -ачык чакырулар») гаеплиләр.
Бу эш белән Тикшерү комитеты шөгыльләнә. Тикшерү версиясе буенча, психиатр һәм наркологта исәптә торучы һәм үзен оппозицион хәрәкәтләрнең берсен яклаучы дип санаучы гаепләнүчеләрнең берсе Мамадыш шәһәре халык депутатлары Советы башкарма комитеты эшен яңадан башлау, барлык депутатларның мөлкәтен кулга алу һәм алар белән идарә итү турында "хәбәр" әзерли.
Шуннан соң ир гыйнвар аенда Мамадыш шәһәр суды хезмәткәрләре һәм энергетика һәм газ транспорты предприятиеләренең җирле бүлекчәләре җитәкчеләре арасында «хәбәрнамә» тарату өчен икенче затны җәлеп итә. Шулай ук «уведомление» ТР буенча Эчке эшләр министрлыгының экстремизмга каршы тору үзәге хезмәткәренә дә тапшыралар.
Экспертиза күрсәткәнчә, «хәбәрнамә» социаль төркемнең билгеле бер өлешенә карата көчләүгә чакырулар белдерелгән гыйбарәләр бар.
Бер генә ир үз гаебен таныган. Җинаять кылуда шикләнелүчеләра яшәү урынын калдырып китмәскә тиеш. Җинаять эше судка җибәрелде.