Май бәйрәмнәре чорында яңа коронавирус йогышын (COVID-19) профилактикалау буенча халык өчен тәкъдимнәр
Агымдагы елда Май бәйрәмнәре чоры яңа коронавирус йогышы (CVID-19) таралуга бәйле рәвештә чикләүләр режимына туры килә.
Яңа коронавирус йогышы белән авыруны профилактикалау максатларында түбәндәгеләрне эшләү мөһим:
1. Республика халкы үзизоляцияләү режимын үтәүне дәвам итәргә һәм якыннары һәм танышлары белән очрашулардан, илнең башка регионына барудан, кешеләр күпләп җыела торган урыннарга йөрүдән тыелырга тиеш. Риск төркемнәреннән туганнарын һәм танышларын (65 яшьтән өлкәнрәкләр, хроник соматик авырулары булган затлар, йөкле затлар) куркыныч астына куймаска, бәйрәмнәр белән аралашу һәм котлау өчен заманча дистанцион элемтә чараларын кулланырга кирәк.
2. Өйдән чыкканда сулыш органнарын саклау өчен битлекләр һәм перчаткалар белән файдаланырга, өйләрдә дезинфекция чаралары кулланып җыештыру эшләрен дәвам итәргә. Кибетләрдә битлек һәм перчаткалар киеп йөрергә, дистанцияне үтәргә (1,5-2 м), азык-төлекне өйгә китерүгә өстенлек бирергә кирәк.
Әгәр сез дачага барсагыз, түбәндәге кагыйдәләрне үтәргә тиеш:
Күп халык белән аралашмаска;
өлкән яшьтәге гражданнарга (65 яшьтән өлкәнрәкләр) һәм хроник авырулар булган затларга өйдә калсалар яхшырак;
планлаштырыла торган урында медицина оешмаларының адресларын һәм телефоннарын ачыклау, битлекләр, перчаткалар, дезинфектантлар һәм тире антисептиклары белән запаслану;
Юлда шәхси транспорт яки таксига өстенлек бирү (чит кешеләр белән элемтәләрне киметү өчен) һәм җәмәгать транспортында барганнан соң кулларны сабын белән яхшылап юарга кирәк;
җәмәгать транспортыннан файдаланганда, сулыш органнарын саклау өчен битлек кулланырга, социаль дистанцияне үтәргә (1,5 м – 2 м), һәркем файдалана алырлык өслекләргә (ишекләр, поручнилар) кагылганнан соң, кулларны тире антисептигы белән эшкәртергә, зарарсызланган куллар белән йөзгә кагылмаска;
Моннан тыш, табигатьтә булганда талпаннар һөҗүме куркынычларын киметү буенча профилактика чараларын күрергә кирәклеген истә тотарга кирәк.