2017нче ел Россиядә экология елы дип игълан ителде.

2017нче ел Россиядә экология елы дип игълан ителде. Шуның белән бәйле рәвештә, Түбән Ушма урта мәктәбе коллективы үзенчәлекле бәйге игълан иткән. Алар сыйныфларны иң яхшы бизәүче классларны ачыклаганнар. Конкурсның төп шарты- һәр бүлмәдә ике чыршы булырга тиеш. Әмма тере агачларны урнаштырырга ярамый. Әлеге бурычны ничек хәл иттеләр микән? Алдагы язмада тулырак итеп.

Түбән Ушма укучылары мәктәпләрендә бәйрәмгә 60 лап чыршы бизәгәннәр. Мәктәп директоры Илшат Шәйдуллин искәртүенчә, ел да тылсымлы бәйрәм алдыннан сыйныфлар арасында яңа ел бизәлешенә конкурс игълан итәләр икән. Быелгы бәйге шартлары буенча, һәр класс үз кабинетларында бер Кыш бабай белән Кар кызын һәм ким дигәндә 3 чыршы ясарга тиеш булган. Кайберәүләр илһамланып китеп өчне түгел, үз куллары белән 20 ләп чыршы корып куйганнар. Кемдер яшел чыршыны калын-калын китаплардан өйгән, кемдер футбол кырына җәелә торган ясалма келәмнән ясаган.

Мәктәп эчендә генә оештырылган конкурсның нәтиҗәләре инде билгеле. Һәр сыйныф иҗади тырышлыклары өчен татлыдан-татлы бүләкләргә ия булганнар.