ФАП – халык өчен иң кирәкле объектларның берсе, аннан башка тормышны күз алдына да китереп булмый.

      ФАП – халык өчен иң кирәкле объектларның берсе, аннан башка тормышны күз алдына да китереп булмый. Уразбахты авылында ачылачак  ФАПта беренчел медицина ярдәме күрсәтү өчен бөтен уңайлыклар да тудырылган. Яңа ко­рыл­ма­да про­це­ду­ра, та­биб ка­бул итү бүл­мә­се, баш­ка ка­би­нет­лар да бар. Иркен һәм якты бүлмәләр, яңа җиһазлар һәм кирәк-яраклар бик уңай тәэсир калдыра. Объектка ут һәм су кертелгән. Тупланган тәҗрибәдән, конструкциянең җайлы булуыннан файдаланып, төзүчеләр аны ун көн эчендә өлгерттеләр. Ә бинаның әйләнә-тирәсен төзекләндерү, су, канализация системасын булдыруны  авыл җирлеге башкарды. Медицина ярдәмен халыкка инде биредә 38 ел дәверендә фельдшер булып эшләүче тәҗрибәле белгеч Шәйхетдинова Равия Вахитовна  күрсәтә.