Кичә Мамадышта Әфган җиреннән совет гаскәрләренең чыгарылуына 27 ел тулуга багышланган митинг узды.

Кичә Мамадышта Әфган җиреннән совет гаскәрләренең чыгарылуына 27 ел тулуга багышланган митинг узды. Моннан 27 ел элек, 1989 елның 15 февралендә, соңгы совет гаскәрләре Әфган дәүләте территориясеннән чыгарылды. Ун елга якын сузылган сугышка, ниһаять нокта куелды. Анда Советлар союзының 15 меңнән артык солдаты һәм офицеры һәлак булды, 15 меңгә якын кургаш табут, 36 меңгә якын яралы, 312 хәбәрсез югалган солдат рәвешендә  әйләнеп кайта. Бу сугыш безнең ил өчен 60 миллиард сумлык акланмаган һәм кирәксез чыгым булып әверелә. Ул көнне дә бирегә район җитәкчеләре, яу кырында ятып калган солдатларның якын туганнары, хезмәт коллективлары һәм мәктәп укучылары килде.Татарстан Республикасыннан ул сугышта 9570 кеше катнашты, 257 егет батырларча һәлак булды. Мамадыш районныннан чакырылган  150 дән артык солдат Әфган җирендәге сугыш хәрәкәтләрендә интернациональ бурычын үтәде. Аларның 16 сы каһарманлыгы һәм батырлыгы өчен орден- медальләр белән бүләкләнде. Ни кызганыч, Әфган комлыкларында 10 якташыбыз башын салды, 3 се Чечняда. Хәзер һәр елны район үзәгендә алар истәлегенә куелган обелиск алдында митинг үтә. Әйе, тарих бу сугышка үзенең бәясен бирде. Мәрхүмнәрне митингта бер минут тынлык белән искә алдылар,бер сафка тезелеп алар обелискка веноклар  куйдылар, чәчәкләр салдылар.