Мамадыш муниципаль районы

Кыйналган Эдуард Сәләхетдинов тумышы белән Мамадыштан.

2015 елның 27 августы, пәнҗешәмбе

Кыйналган Эдуард Сәләхетдинов тумышы белән Мамадыштан.
Исегезгә төшерәбез, “Яшь гвардия” активистын Эдуард Сәләхетдиновны маскалы кешеләр кыйнаган иде. Әлеге вакыйга Сәләхетдиновның әти-әниләре дачасында була. Зыян күрүче әйтүенчә, аны анда бейсбол биталары белән өч ир-ат көтеп торган. Җәрәхәт салганда алар җәмгыять эшлеклесе “уен урынында йөрергә тиеш түгел” дип кычкыра.
Шунысын әйтеп китәргә кирәк, Эдуард Сәләхетдинов комарлы уен урыннарын тикшереп йөрүче һәм балигь булмаганнарга исерткеч эчемлекләр сатуны тыючы“Яшь гвардия” активисты буларак билгеле. Күптән түгел ул Казанга күченеп килгән һәм биредә үз эшен дәвам иткән. Хәерге вакытта Эдуардның гомеренә куркыныч янамый.
“Яшь гвардия” мәгълүматлары буенча, Эдуард Сәләхетдинов ике ел эчендә республикада 500дән артык комарлы уен йортын яптырган.
Кичә активист янында хастаханәдә Татарстан Республикасының Дәүлә советы урынбасары Фәрит Мөхәммәтшин булган.
“Яшь гвардия” активистын Эдуард Сәләхетдинов янына хастаганәгә бардым. Аны иртәгә чыгаралар. Комарлы уен урыннарында тикшерүне һәм балигь булмаганнарга исерткеч эчемлекләр сатуны тыюны көчәйтәбез”, - дигән Фәрит Мөхәммәтшин үз “Instagram”ында.
-Бөтен тәнем авырта, күпсанлы җәрәхәтләр кәене төшерә. Шулай да, безне сындыра алмаслар, дип хәбәр итә журналистларга активист.

БАРЛЫК ЯҢАЛЫКЛАРНЫ УКУ