Мамадыш районында прокурор алышынды. Әлеге вазыйфаны башкаручы итеп Радмир Надыршин билгеләнгән.

2015 елның 7 мае, пәнҗешәмбе
Мамадыш районында прокурор алышынды. Әлеге вазыйфаны башкаручы итеп Радмир Надыршин билгеләнгән. Бу хакта РФ генераль прокурорының карары бар. Моңы кадәр Радмир Надыршин Казан шәһәре Вахитов районы прокуроры урынбасары булып эшләгән. Ә Мамадыш районының элеккеге прокуроры Илсур Габдрахманов лаеклы ялга китте. Бу һәм башка яңалыклар турында эшлекле киңәшмәдә сөйләделәр.
 
Районның барлык тармак җитәкчелеге катнашында узучы эшлекле киңәшмә кадрлар үзгәреше белән таныштырудан башланды. Шуларның чираттагысы шәһәрдәге иминият компанияләренең берсендә. Россия дәүләт иминият оешмасының Мамадыш филиалы директоры итеп Олег Рылов билгеләнгән. Моңа кадәр ул озак еллар район Советында хезмәт куйды, оештыру эшләре бүлеген җитәкләде. Агентлыкның элеккеге җитәкчесе Гыйлемхан Сәлахов хәзер “НАСКО“ оешмасында эшли.
 
2015нче ел Россиядә йөрәк-кан тамыры авыруларына каршы көрәш елы дип игълан ителгән иде. Әлеге тема буенча үзәк хастаханәнең баш табибы Дамир Хаҗиев чыгыш ясады. Аның искәртүенчә, бу төр авырулар гомумхалык авыруы дип исәпләнә. Хәзерге вакытта үлем очракларының 50% нәкъ менә шушы диагноз белән бәйле. Бездә бу сан 52,7% тигез.
 
 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив хокукый актлар
Гражданнар кабул итү
Матбугат хезмәте
Адрес: РТ, Мамадыш шәһәре, М.Җәлил ур, 23/33 йөрт
Телефон: 8(85563) 2-20-01
E-Mail: sovet.mam@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International