Иң нык беләкле райондашларыбыз ачыкланды.

Иң нык беләкле райондашларыбыз ачыкланды. “Олимп” спорт-сәламәтләндерү комплексында армспорт, ягъни кул көрәше буенча беренчелек үткәрделәр. Аның нәтиҗәләре хакында– алдагы материалда сөйләрбез.

Спортның бу төре әле кайчан гына экзотиклардан санала иде. Бүген исә армспортчыларыбыз ирешкән уңышлар район белән генә чикләнми. Татарстан күләмендәге бәйгеләрдә төрле биеклекләр яулана. Әле күптән түгел генә “Олимп” спорт–сәламәтләндерү комплексында шушы төр буенча район беренчелеге узды. Турнир Бөек Ватан сугышында җиңүнең 70 еллыгы кысаларында оештырыла. Ярышны 1998нче елда туган һәм аннан яшьрәк малайлар–кызлар, ир-егетләр һәм хатын-кызлар арасында үткәрделәр. Шәхси-команда беренчелегендә 8 команда катнашты. Спортчыларның саны 99 тигез.

Районыбызның армспортчылар командасы республикада алдынгылар рәтендә йөри. Безнекеләр җөмһүрият күләмендәге бәйгеләрдән даими рәвештә призлы урыннар белән кайта. 

Әлеге ярышның нәтиҗәләренә килгәндә, 1998 нче елда туган һәм аннан кечерәк яшьтәге кызлар арасында җиңүче исемнәрен үз авырлык үлчәүләрендә  4нче санлы мәктәп укучысы Култышева Олеся,  Задорожная Алёна, Усали мәктәбеннән Шамсутдинова Айсылу һәм Петрова Гульназ,  Бабушкина Влада (Лицей №2), Петрова Диана (с.Омара), Галиуллина Алина (с.Омара), Кулушева Елизавета (с.Омара) яуладылар. 

1998нче елда туган һәм аннан кечерәк яшьтәге малайлар арасында 1нче урыннарга Даутов Рамис (Олуяз), Архипов Евгений (КШИ), Умников Александр (ПК-87), Хадиев Фанис (КШИ), Рахимзянов Инсаф (КСОШ), Хакимов Айрат (КШИ),  Гасимов Венер (КСОШ), Сергеев Руслан (МСОШ №4) лаек булды. 

Хатын кызлар арасында Мисбахова Зубайда (ПК-87), Файзриева Люзия (Олуяз), Кулушева Елизавета (с.Омара) тиңнәр юк.

Ир-егетләрдән иң нык беләкле дип Булашов Александр (ПК-87), Хадиев Фархат (ПК-87), Каримов Айдар (Лицей №2) танылды. 

Төп кубокны Омар урта гомумбелем бирү мәктәбе яулады, икенче баскычта 4нче санлы мәктәп, беренче өчлекне коррекцияләү торак-мәктәбе спортчылары йомгаклый.